Dantzaria eta dantza alorreko sustatzaile eta kudeatzailea da. Informazio Zientzietan (1995) eta Gizarte eta Kulturazko Antropologian (2001) lizentziatua, Musikologiako doktorego ikastaroak egin ditu (2005) eta Artearen Historian Ikertzaile nahikotasuna eta ikasketa aurreratuen agiria (2010) eskuratu ditu.
Eibarko Kezka, Elgoibarko Haritz eta Donostiako Argia dantzari taldeetan aritzen da dantzan, eta dantzan.com elkartearen kudeatzailea da.
ETBn kultura alorrean, Elhuyar Fundazioan zientzia dibulgazioan eta dantzan.com-en dantza komunikazioan aritu da lanean azken urteotan. Dantzan Ikasi formakuntza programa gidatzen du eta Kulturaren Euskal Kontseiluko kidea da.
Eibarko kezka dantza taldearekin tradizioa eta sorkuntza uztartzen dituzten Arrateko Amaren dantzak (2005) eta Koko-dantzak (2008) tradizio koreografiko berriak bultzatu ditu.
iruzkinik ez:
Argitaratu iruzkina