KEMENEKO GAZZETTA

EUSKAL HERRI INAUTERIA 2012

2012-01-13T23:48:00.010+01:00

Maskaradarik gabe baina aurten ere badatoz INAUTERIAK!
(Azkenean maskaradak izango dira!!!! Hala dirudi behintzat, adi egon beharko dugu.)

Gure aldetik Irungo kaleetan Euskal Herrietako inauterien hirugarren erakustaldia egiteko asmoz gatoz. Krisiak krisi, ez dezagun umorea gal, dantzatzen duen herria herri bizia baita. Lantz eta Altsasuko inauteriak hobeto ezagutu eta ezagutzera emateko aprobetxatu ostean, 2012an Lapurdiko hainbat herrietan burutzen diren puska biltzeak irudikatzeko aukera izango dugu.
Beraz, aitzakiarik izan ez dezagun hurrengo bideotan Euskal herri inauterirako atontzeko gomendioak dituzue, ez utzi bukaerarako Zanpantzar berehala Irungo karriketan izango baitugu.

KOROA EGITEKO URRATSAK

MUTILEN JAZKERA

NESKEN JAZKERA

HURRENGO FITXETAN JANTZIEN LABURPENA IZANGO DUZUE

MUTILA

NESKA

DANTZA ESKOLA

2011-09-05T19:09:00.001+02:00

Eskubiko zutabean Gildarrek ateratzen dizkiguten argazki zoragarriak ikustea besterik ez dago, etorkizunean ere dantza talde indartsu bat izaten jarraitzeko asmoa sendotzeko. Honetarako noski harrobia zaindu behar. 5-6 urtetatik dantzaz gozatzen hasiriko haurrek 15-16rekin hala segi dezaten, aurten ere haurrentzako dantza eskola habian jarriko dugu. Beraz, gogorarazi inguruko guztiei, 5 urtetatik gorako edozein haurrek gurera etorri nahi balu, orain du izena-emateko epea, irailaren 1etik 15era bitarte. Zabaldu berria!!!

ASTE NAGUSIA 2011

2011-08-29T12:39:00.003+02:00

Udarak nekagarriak izaten dira dantza taldeontzat, baina baita probetxuzkoak ere, horretan zalantzarik ez izan.
Badira sei urte Donostiako aste nagusian azkenengoz dantzatu genuenetik eta halako zirrara berezi bat sortarazten duenik ezin uka. Aurtengoan ere nabaria zen taldekideen artean urduritasun eta emozioa. Askorentzat Konstituzio plazan dantzatzen zuen lehen aldia zen, baina espero dezagun azkena ez izatea!
Saioa txukun joan zen eta honen lekukotza ondorengo bideo laburpen eroan (bai badakit kalitatea ez dela oso ona, baina hainbeste laburtu beharrak hori du) biltzen saiatu gara.

ZORIONAK GUZTIOI ETA SEGI LANEAN! Uda ez da bukatu eta irailaren 10ean berriro ere hankak astinduko ditugu Bermeon.

SCHAGEN NAZIOARTEKO DANTZA JAIALDIA

2011-08-05T11:41:00.003+02:00

Aurten ere ibili gara ba (beno, gara edo...).

Ikusten denez dantza pixka bat egitearen aitzakian beste behin ere primeran pasa dute kemenkideek.

Irudietan garbi ikusten da gipuzkoarrak beti gipuzkoar garela, baita zuberoako, bizkaiko edo zer esanik ez nafarroako dantzak eginez ere!. Hola, hola, segi beti bezain tente eta fin!.

MARBOLENY-KEMEN

2011-08-01T15:48:00.002+02:00

Pasa den asteburu honetan bertan izan ditugu Girona ingurutik etorririko gaztetxoak gure artean. Hona hemen eskainiriko dantzen aletxo bat.

NIT DE DANSA TRADICIONAL

2011-07-25T15:34:00.002+02:00

Asteburu honetan gure haurrek Les Preses herria bisitatu dute. Bertako "Barretines de Marboleny Escola de les Preses", dantza taldearekin batera dantza saio bat eskaini eta Gironako umeekin egun politak igaro ahal izan dituzte.
Barretines de Marboleny-ko dantzariek hurrengo asteburuan egingo digute bisita, uztailaren 30ean arratsaldeko 18:00tan Erreginaren baluartean beraien dantzak gure harrobiko gaztetxoek eginikoekin batera ikusgai izango ditugularik.

elGarrotxi agerkari digitalak eginiko bideoan ikus daiteke Les Preses-en eginiko saioaren laburpena.

Aurrez beste batzuk dakigun bezala, honelako esperientziak beti gogoan izaten dira eta espero dezagun gure gaztetxoek dantza munduan jarraitzeko indarra hartu izana.
Animo eta ia hurrengo asteburuan ere guztiok erantzuten dugun!

DANTZA SAIOKO BIDEOAK

2011-06-29T09:26:00.002+02:00

SOKA DANTZA

2011-06-26T23:54:00.002+02:00

Oier Araolaza (Elgoibar, 1972)

2011-05-31T17:07:00.001+02:00

Dantzaria eta dantza alorreko sustatzaile eta kudeatzailea da. Informazio Zientzietan (1995) eta Gizarte eta Kulturazko Antropologian (2001) lizentziatua, Musikologiako doktorego ikastaroak egin ditu (2005) eta Artearen Historian Ikertzaile nahikotasuna eta ikasketa aurreratuen agiria (2010) eskuratu ditu.
Eibarko Kezka, Elgoibarko Haritz eta Donostiako Argia dantzari taldeetan aritzen da dantzan, eta dantzan.com elkartearen kudeatzailea da.
ETBn kultura alorrean, Elhuyar Fundazioan zientzia dibulgazioan eta dantzan.com-en dantza komunikazioan aritu da lanean azken urteotan. Dantzan Ikasi formakuntza programa gidatzen du eta Kulturaren Euskal Kontseiluko kidea da.
Eibarko kezka dantza taldearekin tradizioa eta sorkuntza uztartzen dituzten Arrateko Amaren dantzak (2005) eta Koko-dantzak (2008) tradizio koreografiko berriak bultzatu ditu.

HONDARRIBIA DANTZAN V

2011-05-31T17:00:00.003+02:00

Bost urte badira zerbait, ezta?
Ai ama zein azkar pasatzen diren urteak.
Beno harira!.
Aurtengo Hondarribia Dantzanen egitaraua ahal bezain osatu eta interesgarriena egiten saiatu gara (urtero legez), orain ikus-entzule guztion esku dago hori epaitzea.
Aurtengoan inauteriak izango ditugu ardatz.

- Maiatzaren 30etik ekainaren 3ra Larrain dantza ikastaroa Jostaldi pilotalekuan 19:00-20:30.

- Ekainaren 2an hitzaldia udaletxeko areto nagusian 19:30ean.
Hizlaria: Oier Araolaza
Hitzaldiaren izenburua: "Ezpata-dantzak eta inauteriak, tradizio zaharrak eta festa berriak".

- Ekainaren 4ean:
Dantza taldeen saioak: 18:00tik aurrera Hondarribiko kaleetan, 19:00tan Sta. Maria Madalena plazan.
Amezketako dantzariak
Antzuolako Oinarin
Garaziko Garaztarrak
Muskildiko dantzariak

Antzuolako Sorgin dantza

Erromeria, Santa Maria Madalenan 20:30-22:30.

- Ekainaren 5ean:
Gazteenak dantzan: Kemen, Adaxka, Talaia. 12:00tatik aurrera

ETORKIZUNA DANTZAN

2011-04-10T11:07:00.002+02:00

Halaxe ikusi ahal izan genuen atzo Amaian. Taldetik igarotako hainbat kide ikusleen aulkietatik Kemenkide izango diren hurrengo kimuei begira, emozionaturik (batzuk onartu zuten gisan) eta urtean zehar hainbat eta hainbat dantza irakaslek eginiko lanaz disfrutatuz. Hau litzateke atzoko arratsaldearen laburpena, hau eta noski, azken asteetako ensaio orokorrak, egun osoko jarduna eta ongi merezitako iluntzea.
Zorionak guztioi, haur eta gazte! Gaur egungo gizarte estresatuan euskal dantzak ezagutu, eta hauekin gozatzea lortzen duzuen guztiok saria merezi duzue. Ia etorkizunean ere oholtza gainean ikusten zaituztegun! (gurekin batera noski).

INAUTERIAK 2011

2011-03-16T19:42:00.003+01:00

Inauteri asteburua izan genuen aurrekoa.

Larunbata, eguzkitsu esnatu zen eta goizeko lehen orduetatik inauteri usaina nabaria zen Irun txoko ezberdinetan.

Goizeko 10.00tan lokalean geratu ginen azken ukitu eta ensaioak egiteko eta 11.30tarako txintxo-txintxo Pio XII plazan ginen inauteriko partaide guztiak, momotxorro, sorgin, itzain, aza landatzaile, hazi ereile, ijito … Irungo kaleetatik inauteriaren poz eta alaitasuna zabaltzeko asmoz.

Txistulari, dultzaina eta fanfarreaz lagundurik Pio XII plazatik Erromes plazaraino dagoen bidea bete genuen, hainbat geldialdi eginez, Altsasuko zortzikoa eta beste hainbat dantza ekitaldia ikustera etorritako jendeari erakusteko.

Kemeneko dantzari eta musikariez gain, Adaxka dantza taldeko, Eguzkitza, Elatzeta eta Talaiako haurrek parte hartu zuten. Honez gain hainbat musikariren laguntza ere izan genuen.

12.00etan hasitako bidea 13.30ak aldera amaiatu genuen Erromes plazan, momotxorro, polka pik, fandango eta arin-arina dantzatuz.

Haur talde bakoitzak bere monitoreekin argazkia egin eta gero, Kemeneko talde argazkia atera genuen eta zaharren egoitzara abiatu ginen eguneko azken “saioa” egiteko, eta haiei ere asteburua alaitzeko.

Igandea ere, larunbataren antzera eguzkitsu esnatu zen. Honek aurreko eguneko parrandaren neke eta ajea eramangarriagoak egin zituen.

9.00tan lokalean geratu, kotxeak hartu eta Olaberriarantz abiatu ginen. Cristina eta Aneren etxean indarrak hartu genituen madalenak eta pastak gosalduz eta bidean aurrera jarraitu genuen fandango eta arin-arin gehiago dantzatuz.

12.00ak aldera hamaiketakoa egin genuen, salda eta txorizo pintxoa, deskantsatu eta berriz indarrak hartzeko eta argazkia atera genuen parking ondoko baserri polit baten atarian.

Behin argazkia aterata, aurrera jarraitu genuen geratzen ziren baserrietan dantzatzeko eta kosta bazitzaigun ere azkenean lokalera iritis ginen.

Goizeko dantza guztien ondoren merezitako bazkaria egin genuen Erlaitz elkartean.

Egilea: Ane Estonba

DENBORAPASA BERRIA

2011-03-16T19:23:00.002+01:00

Aspertuta bazaude edo nagusiarekin nazkatuta burua beste zerbaitetan lanean jarri nahi baduzu, sakatu beheko irudi maitagarrian eta ondoren scatter aukeratu. Zorte on!!!

EUSKAL HERRIINAUTERIA 2011

2011-03-11T10:38:00.001+01:00

MOMOTXORROEN KONDAIRA

2011-03-02T20:37:00.001+01:00

Ipuinaren egilea: Ane Beloki
Marrazkigilea: Ane Unanue

Kautereak

2011-02-28T23:24:00.003+01:00

Inauteriak baino astebete lehenago egin ohi dugun bezala, aurten ere kautereen dantza egin dugu, euri, barre-algara, salto eta brinkoen artean Irungo kaleak alaituz.

EUSKAL HERRI INAUTERIA

2011-01-16T18:22:00.007+01:00

Jarraian Euskal herri inauteri ekimenean parte hartzeko mozorroen argazki ezberdinak ikusgai dituzue. Pertsonaia berezi hauek eta beste hainbatek Irungo kaleak alaituko dituzte eta inauteriko kaosa zabaldu martxoaren 5ean.

MOMOTXORROAK

ITZAINAK IDIEKIN

SORGINAK

AZA LANDATZAILEA

MUGARIK EZ GURE BURUEI

2011-01-09T10:58:00.006+01:00

Bai, batzuetan nekatuta egon gaitezke, gogorik gabe, haserre edo triste... Baina, benetan egiten duguna gustoko badugu eta barnetik egiteko gai bagara, zeinek ezartzen dizkigu mugak?.

Argi dago egin nahi ditugunak egiteko muga nagusia gu geu garela gehienetan.
Baina mesedez, ez ikusi falta zaiena soilik, adierazi nahi dutena baizik. Gorputz-adar guztiak ditugunok, gai al gara honela dantzatzeko, honela espresatzeko?.

Urte berri honetan, apurtu gorputzaren mugak eta sentitu egiten duzuna!.

2011-01-03T15:31:00.001+01:00

2011ko urtarrilaren 2a

Urtea ondo hasteko, beti bezala, futbol partidua antolatu dugu Kemenen. Bai, dantzariak izan arren, futbolean ere badakigu!

Taldeak ere betiko moduan egin ditugu, zaharrak alde batetik eta gazteak bestetik.Gazteen taldeko partaideak 15-25 urteko dantzariak izan gara, eta zaharrak hortik aurrerakoak. 15 bat persona egon gara talde bakoitzeko, eta aurten, beste urteetan ez bezala, neska “dexentek” jokatu dugu, bostek hain zuzen ere, izan ere urte askotan Aiorak bakarrik jokatu izan du.

Partidua oso interesgarria izan da une oro, eta lesionatu bat edo beste egon da. Haien artean Eneko, zeinek hankean hartutako minarengatik jolasteari utzi behar izan dion. Lehen denboran gol bakarra egon da, zaharren taldeko Hodeirena. Gazteen taldea Nestorren Idiazabal gaztarekin animatu gara eta bigarren zatian postuen antolaketa aldaketari esker askoz hobe jokatu dugu. Segituan etorri da Kielen gola, eta honek zaharren taldekoak urduritu ditu. Markagailua 1-1 zegoen, eta sekulako tentsioa. Inork espero ez zuenean, ezta gazteen taldeko defentsa eta atezain bikainek ere, Bittorrek sekulako gola sartu du. Hori izan da partiduaren emaitza 2-1 zaharren alde. Zaharrek gazteen moduan ospatu dute garaipena, eta bukatzeko talde osoaren argazkia atera dugu. Partiduan, nahiz eta zelaira sartzeko aukerarik ez izan, animatzen egon diren Kemeneko lagunak egon dira.

Dutxa on baten ondoren, taldeko 50 bat pertsona elkartu gara Hondarribiako Olagarro elkartean bazkaltzeko.

P.D: Kontuz ibili zaharrak, hurrengo urtean irabazteko entrenamenduak egingo ditugu eta!

2010-12-28T09:54:00.001+01:00

SAN TOMAS 2010

2010-12-24T16:31:00.004+01:00

Beste behin ere euriak ez gintuen errespetatu! (batzuk batez ere, animo Kiel). Noiz hasiko ote dira lehorte gogorrak bizi dituzten herri horietatik dantzatzera joan gaitezen deitzen?. Izugarri ziurrak gara.
Beno, bustita baina alai behintzat. Gainera, aurtengoan ere Kemenekin estreinaldia izan da batzuentzat San Tomas egunekoa eta seguru gogoratuko dutela (arrazoi ezberdinengatik baina beno...).

Gildarrek jadanik argazkiak prest dituzte eta bideoa ere badago (hau zortea gurea, teknologiaren garaian ezin ezer ezkutatu!!!).

ARGAZKIAK

Ondo pasa gabonak eta primeran hasi urte berria.

OHIKO BATZAR OROKORRA ETA ONDORENGOAK

2010-10-26T21:25:00.002+02:00

Horrelakoa da Kemenkideon erritmoa, 2009-10 ikasturteari amaiera eta 2010-11koari hasiera urriaren 24ean eman diogu. Uda luzea izaten da dantza taldeontzat eta konpromezu ugariri erantzun ondoren oporralditxo bat ondo merezia izan ohi dugu, ezta?

Beno, bukatu dira aurtengo oporrak eta aste honetan berriro ekingo diegu entsaioei.

Horretarako noski, ohiko batzar orokorra burutu berri dugu eta bilera osooooo lasaia izan arren (agian lasaiegia, parte hartzea nola bultzatu hausnartu beharko genuke behar bada), ondorengoak animatuago joan ziren (beti bezalatsu).

MAINTENONGO ARGAZKIAK

2010-09-30T14:54:00.005+02:00

Kemen DT ek

EGUN OSOOOOOA!

2010-08-10T14:09:00.010+02:00

Ezin esan 2010eko Euskal Jira eguna motza izan zenik.
Goiz-goizetik hasi ziren lanak, arratsalderako edariak erosi, hamaiketako ederra egin, gurdiari azken ikututxoak eman.

Pilotalekuan talde bazkari ederra egin... Nola hobetzen ari diren katering-ak, ezta?

Ibilbidean zehar dantza eta algara ugari egiteko aukera izan genuen. Eskerrak Colon hiribideko etxeen itzalari eta noski taldekideen seme-alabei!

Aurtengoan ez ziren hemen bukatzen taldekideon lanak. Musika ekipoak gora-behera, erromeria arrakastatsua burutu genuen, jendea dantzan eta izerditan ikusi ahal izan genuen eta hau ez da gutxi gaur egun. Dantza gure plazetan zabaltzeko bide berri baten hasiera ote?

Ah, noski eguzkiak ilargiari lekua utzi zion eta hor eman zen transformazioa..........Gero harritu egiten gara "sekta" deitzen digutenean!

Mila esker egun polit hau ehuntzen lagundu zenuten guztioi!

HURRENGO ZITAK GAINERA DATOZKIGU!

2010-08-06T13:10:00.004+02:00

Larunbat honetan Irungo Euskal Jira ospatuko da eta orain dela bi urte bezala, aurtengoan ere Kemenek gurdia prestatu eta salto eta festa atzetik joango gara egun polita igarotzeko asmoz.
Aurtengoan azken urte luzeetan mantendu izan dugun ohitura baten adierazgarri, Inauterietan burutzen dugun puska biltzea irudikatu nahi izan dugu. Taldekide ugari gogor aritu da lanean, hainbat buruhausteren ondoren azken momentuko lan ugari egin behar izan baita. Eskerrak taldeari ordu asko eskaintzeko prest dagoen jendea dugun! Muxu handi bat denei.
Nola ez, taldetik igaro den, igaroko den edota besterik gabe dantza gustoko duen edonori deia luzatzen diogu gurekin batera gurdiaren atzetik ibil dadin.
LARUNBATEAN 18:00TAN LETXUNBORRO HIRIBIDEAN ELKAR IKUSIKO DUGU!!!
Animo!

CHATEAU-Z CHAUTEAU

2010-08-06T12:54:00.004+02:00

Ohitura onak ez omen dira galdu behar eta uda honetan ere nazioarteko jaialdi batean izan berri gara. Aurtengoan jaialdi motza aukeratu dugu (iazko nekeak gogoan edo!) eta kilometro gehiegi ere ez ditugu egin. Hala eta guztiz ere, elkarrekin egon eta gure dantzak erakusteko aukera paregabea izan da.
Egia esan, mota guztietako iritziak entzun ditugu eta ez dut uste hauetako batzuk inoiz ahaztuko ditugunik ("flema frantziarra" ejem!). Gainera, azken urteetan ez bezala, juergarako aukera gehiegi izan dugunik ezin esan. Jauregi batean lo, bestean dantzatu... errege-erreginen pare ibili gara eta jan ere hala moduz!.
Beno, jaialdi lasaia izan da, bertako aiton-amonen "patxada" kutsatu izan baligute bezala, baina jaialdi guztiak bezala aberasgarria oso.

Hurrengo urtean gehiago! Ia hemendik aurrerako lanei ere modu berean erantzuten diegun.

BADATOR HONDARRIBIA DANTZANEKO ASTEBURUA

2010-05-27T08:44:00.004+02:00

Aurtengo Hondarribia Dantzan-en egitaraua aurreko urteetako ohiturari jarraituz, ostiralean, folklorea eta etnografiaren inguruko hitzaldi batekin hasiko genuke, arratsaldeko 8etan udaletxeko areto nagusian:

Hitzaldia Karlos Irujok emango du.
Hitzaldiaren izenburua ondorengoa da: Ondarearen aurrean bi ikuspegi

Larunbatean bailaran euskal dantzak ikasten diharduten hainbat haurren bilkura burutuko da. Bertan, Hondarribiako Talaia ikastolako dantzari txikiez gain, Irungo Adaxka dantza taldea, zein Kemenen harrobi diren Eguzkitza eta Elatzeta eskolako beste hainbat haurren parte hartzea izango da. Bilkura arratsaldeko 17:00tan hasiko da Gernikako arbola plazan eta herriko kale ezberdinak alaitu ondoren Santa Maria Madalena plazan ekitaldi nagusia izango da 18:30ak aldera.

Igandean, lau dantza talde gonbidatu dira; Berrizko San Lorentzo, Berako Gure Txokoa, Lizarrako Ibai Ega eta Cortesko dantzariak.
12:30ean Santa Maria Madalenan lau taldeek dantza agerketa burutuko dute.
Asteburua ondo eta alai bukatzeko 18:00tan erromeria izango dugu Zumardian Imuntzo, Beloki eta Mattin taldearekin.
Asteburua aurreko urteetan bezain gustora igaroko dugula espero dugu!

KARLOS IRUJO

2010-05-27T08:43:00.008+02:00

Karlos Irujo Ortzadar folklore elkarteko kidea da 1977 a geroztik, eta bertan lan itzela egindakoa ikerketa sailaren barruan. Eusko Ikaskuntzako kidea, antropologoa eta NUP (Nafarroako Unibertsitate Publiko)ko Irakasle Asoziatua.

2008an Lantz, Ituren eta Zubietako ihauteriak Nafarroako Ondare ez-material izendatzeko beharrezkoa izan zen txostenaren egileetariko bat ere bada.

2009an txostenaren laburpena Panorama aldizkariaren 40. zenbakiak argitara eman zen, "Carnavales de Lantz-Ituren-Zubietako Inauteriak" izenarekin.

2010ean, Nafarroako Gobernuaren Ondare Zerbitzuak agindutako Erronkariko "Hiru behien tributoa"ren txostena osatzen ere parte hartu zuen.

BERRIZKO SAN LORENTZO DANTZA TALDEA

2010-05-27T08:43:00.006+02:00

San lorentzo dantza taldea 1952an Alejandro Aldekoak sortu zuen. Alejandrok, Berrizko txistulari eta dantza maisu handiak, San Lorentzo ermitan dantzatze asmoz sortu zuen taldea. Ondoren taldeak dantzatzeari utzi zion eta gerora beste gazte batzuekin birsortu zen. Gaur egun taldeko txistularia Alejandro Aldekoaren semea den German dugu eta taldeko dantzariak sortzaile izandakoen laugarren edo bostgarren belaunaldikoak ditugu.

Taldeak gordetako dantza errepertorio nagusiena dantzari datza eta erregelek osatzen dute.

BERAKO GURE TXOKOA DANTZA TALDEA

2010-05-27T08:26:00.004+02:00

Gure Txokoa K.K.E. 1931. urtean sortu bazen ere lehendik ere herrian bazen dantza talde bat. Gaur egungo taldeak 120 dantzari biltzen ditu.

Gure Txokoa Dantza Taldeak Abuztuaren 3an (San Esteban) du saio garrantzitsuena, bertan Berako dantzak dantzatzen dituztelarik:

• Bordondantza (goizean)
• Berako Makil- dantza (goizean)
• Berako aurreskua (arratsaldean)

Bordondantza: V forman ezarrita dantzatzen den dantza da. Bata besteari soken bidez lotuta daude eta soka hauek beti tente kontzen saiatu behar dute.
Mutilek bakarrik dantzatzen dute. Foruen plazan egiten da meza ondoren.

Makil- Dantza: 10 dantzaz osaturiko guda dantza edo makil jokoa da. Mutilek bakarrik dantzatzen dute. Foruen plazan egiten da.

LIZARRAKO IBAI EGA DANTZA TALDEA

2010-05-27T08:20:00.002+02:00

1.980.eko maiatzaren 25a izan zen IBAI-EGA-ren ibilbidearen hasiera dantza talde bezala. Sortu zenetik, orain 30 urte, 400 pertsona baino gehiagok parte hartu du dantza taldearen historian. Aipamen berezia merezi du 80. hamarkada hasieran IBAI-EGAk sortutako “Demetrio Romano” Dantza Eskolak.

Sorreratik, Ibai-Ega Dantza Taldeak Lizarrako dantzen jarraipena izan du helburutzat, batez ere, Larrain dantzarena: bere koreografia eta musika babesteko, dantza zahar honek merezi duen errespetua zabaltzeko eta Lizarrako herritar ororen dantza izateko.

Horregatik, 2003. urtean, Lizarrako Gaitariekin batera, dantza unibertsal honen historia, interpretazioa eta koreografia biltzen dituen “Lizarrako Larraindantza. Hiru mende dantzan” ikus-entzunezko lana plazaratu zuen.

CORTESKO DANTZARIAK

2010-05-24T16:45:00.009+02:00

Cortesko paloteadoa irailaren 29an ospatzen da Mikel deunaren omenez. Goizeko prozesioaren ondoren, arratsaldez, herriko plazan paloteadoa egiten da, bertan dantzak eta antzezlan zatiak tartekatuz urteko herriko gora-behera guztiak taularatzen dira, beti Erriberako umore puntu fina bertso eta hitz guztien gatza eta piperra izanik. Taula gainean hamasei dantzariekin batera Mayorala, Rabadana, Deabrua eta Aingerua ditugu. Dantzariek tartekatzen dituzten dantzak bost dira: Cortesias, Pasacalles, Jota, Vals eta Trenzadoa (sinplea eta bikoitza). Cortesko paloteadoaren jaiotze data ziurtasun osoarekin jakiterik ez dagoen arren, XIX. mendean kokatzen dute eta 36ko matxinadaren ondorioz galtzear egon ondoren, egun, indartsu mantentzen da Cortesko gazteek egindako lanari esker. Jarraian 2005eko paloteadoan errezitatutako bersoetariko batzuk ikus ditzakezue:

KAUTERAK 2010

2010-03-02T14:41:00.001+01:00

INAUTERI ASTEBURUA

2010-02-14T19:01:00.002+01:00

Asteburu lanpetua izan da aurtengo inauterietakoa Kemeneko dantzari, zein musikarientzat.

Larunbat goizean, Euskal Inauterien tradizioa gogoratzeko, Irungo kaleak euskal dantza, musika eta kolorez alaitu genituen. Kemeneko dantzari eta musikariok, gure harrobia osatzen duten beste hainbat haur eta gazterekin batera, eta baita Ziripot, Miel Otxin, Zaldiko eta perratzaileekin batera, Lantzeko Inauterietako dantzak antzeztu genituen. Irungo Pio XII plazatik Erromes plazarainoko bidean, Lantzeko dantza, kalejira, fandango eta arin-arinekin berotu genuen larunbateko goiz hotza.

Gainera, tradizioarekin jarraituz, inauteri igandea Puska Biltze eguna izaten dugu. Goizean goiz, bederatzietan, Kemeneko lokaletik irten eta Olaberriara bidean goaz Kemeneko dantzariak, baserriz baserri, urteroko ohitura den bezala, gure dantza eta musikarekin auzoa girotzera. Behin dantzaldia amaitutakoan, bazkari goxo bat izan ohi dugu gure zain.

Urtero bezala, Kemen Dantza Taldetik gonbidapena luzatzen dizuegu, inauteriez gozatu nahi duzuen guztioi, gurekin batera, ekintza hauetan parte har dezazuen.

IREKIERA EKITALDIA J.A LOIDI BIZKARRONDON

2009-09-30T22:26:00.002+02:00

Dantza ikasturtea amaitu ez badugu ere, egoitza berriari ongi etorria eman eta atsedenerako denborarik gabe, lanean jarraitu beharra izan dugu, izan ere, urriaren 3an eta 11an saioak baititugu Barañain eta Arrangoitzen.
Irekiera ekitaldi xumea antolatu genuen, baina tartean-tartean pertsonaia "garrantzitsuak" ere izan genituen gurekin. Taldearen sorrera eta bilakaeran garrantzia handia izandako jende ugari eta noski oraina eta etorkizuna irudikatzen duten hainbat gaztetxo eta haur ere bai. Guztiok izan genuen egoitza berria ikusi eta ekidin ezinak diren alderaketak egiteko aukera.
Hurrengo egunean prentsan ohiartzunik izan ez zuenik ezin uka!.

SAN FERMIN TXIKITO

2009-09-30T21:43:00.008+02:00

Badira urte batzuk Iruñeko Ortzadar taldearekin harremanetan gaudena eta San Fermin Txiki ospatzeko hauek eginiko gonbidapenari erantzun bikaina eman diogu aurtengoan. Gonbidatu gintuzten lehen urtean jende gutxixko animatu baginen ere, orduz geroztik eginiko propagandaren eraginez, pasa den asteburuan, autobusa bete taldekide elkartu ginen Iruñean. Kalez-kaleko (hau da, tabernaz-tabernako) musika eta dantza ibilalditxoaren ondoren, Ortzadarreko kideez gain, Larrañe, Garaztarrak eta Galdakaoko Andra Marikoekin batera bazkaltzeko aukera beroa izan genuen.

Ondorengoak idazteko baino bizitzeko egokiagoak direnez, Ortzadarreko kideei ESKERRAK emanez amaituko dugu oraingoz, hurrengo urtean gehiago...

Irudiak testigu, zuek epaitu!

AGUR ETA ONGI ETORRI!

2009-09-07T22:07:00.003+02:00

28 urtez Izaga kalean ensaiatu, afaldu, bildu, lo, gosaldu... egin ondoren, merezi bezalako agurra eman diogu gure lokal xaharrari. Ordu asko igaro izan ditugu bertan eta iritsi zaigu hurrenarte esateko ordua. Ezin uka malkotxoren bat edo beste begi ertzera hurbildu zitzaigunik, baina J.A Loidi Bizkarrondoko lokal berrira joateak sortarazten digun zirrarak malenkonia ahazten lagunduko digu.

Azken asteetan hara-honako lan ugari izan ditugu eta gaur egun mugitu beharreko zenbait gauzatxo besterik ez zaizkigu falta. Izan ere, egoitza berria aurreko astean bertan estreinatu genuela esan dezakegu, haurrekin dantza irakasle lanetan jardun ahal izateko ikastaroa eginez. Azken urteetan ikastolan haurrekin lanean dihardutenen eskutik urtez-urteko programazioa aztertu eta dantzen bateratze lanetan aritu ginen. Ez da hasiera txarra!

Hala ere, eta honelako aukera batek gutxiago merezi ez duelako, irailaren 18an egoitzaren irekiera ofiziala ospatzekotan gara, gonbidatu eta lunch eta guzti, noski!

Hemendik aurrera guztia dugu egiteko, Biterin abiatu, Izagan sendotu eta Loidin jarraipena izango duen sokari segida emanez.

GUZTIOK ITZULI GARA ETA OSORIK!

2009-08-18T11:56:00.006+02:00

Aurtengo abuztuan bizi izan duguna jaialdi luzeeeea izan da guztiontzat eta bukaerara batzuk juxtu-juxtu iritsi direla esan daiteke; lesioak, zahartzaroaren atxakeak...
Hala ere, Beskidy ingurua ezagutzeak merezi izan du. Azpiegitura ezinhobeak aurkitu ditugu bertan eta ikusleen emana eta jarrera ikusgarriak izan dira. Folklorearekiko azaltzen duten jakinmin eta maitasuna Euskal Herrian pixkat zabaltzea lortuko bagenu, gaitzerdi!.
Batzuentzat lehenengo nazioarteko jaialdia izan da eta aze estreinaldia izan duten, bederatzi egunetan zehar hamahiru dantza eta musika saio eskaini ditugu (noski jaialdiaren egitarau barnekoak soilik aipatuz, hemendik kanpo...).

Azken urtean ez bezala, aurreko urteetan abiaturiko autobuseko olinpiadak ere jokatu dira aurtengoan, bidaia arinago igarotzen lagundu dutelarik (eskerrak olinpiar batzordeari!!!).

Gainera bidaian bisitatu ahal izan ditugun lekuez gain, jaialdiak iraun duen bitartean ere turismo pixka bat egiteko aukera izan dugu. Krakobia eta askori ahaztezin egingo zaigun Auswitz, ezagutu ahal izan ditugu besteak beste.

Argazkiren bat ikusteko aukera HEMEN

Kuriositateren bat edo beste ere izan da eta autografo eta kamera ugariren artean ibiltzeaz gain, munduak gure dantza saioak zuzenean internet bidez ikusteko aukera paregabea izan du. Oraindik ere eskegita aurki ditzakezue ondorengo helbidean. HEMEN

Beno, hainbeste egun elkarri min gehiegi egin gabe igaro ondoren, gogoan izan behar dugu etxean ere egitekoak baditugula. Egutegia begiratu besterik ez dago hurrengo hitzorduen berri izateko, adi!

KM-AK AUTOBUSEAN

2009-07-28T18:23:00.004+02:00

Bai, bai, aurtengoan ere bai, aze ipurdiko mina!

Hilabeteak negoziatzen igaro ondoren azkenean aurtengoan ere nazioarteko dantza jaialdi batean parte hartzeko aukera izango dugu. Egia esan, negoziazioek erantzuna asko atzeratu dute eta hainbat eta hainbat taldekidek ezin izango du jaialdian parte hartu aurrez beste plangintza bat egin dutelako. Pena da, baina ziur hurrengo urteetan ere aukera ezberdinak izango ditugula!.

Bihar bertan abiatuko gara Polonia aldera eta 15 egun igaroko ditugu elkarrekin. Ai ama!!! Beldur pixka bat ere ematen du, ia ez dugun eztabaida handiegirik izaten. Badakigu honelakoetan nekea pilatuz joaten dela eta batzuetan erantzun etab.etan nabaritu egiten dela, baina aurrez hau guztia argi izanda lasaiago hartzen saiatu beharko dugu. Zer erremedio!

tagzaniapaste

Bestalde, honelako jaialdiek aukera paregabea eskaintzen digute herrialde ezberdinak, kultura eta tradizio anitzak eta jende ugari ezagutzeko. Ahalik eta probetxu gehiena aterako diogula espero dugu!.

Beskidy aldera ez zoaztenek ere, gozatu zuen udaz eta ez ahaztu gainontzekoak. Gainera, itzuli bezain laister dantza saioa izango dugu Moskuko jaietan, erne ibili beraz!!!.

AZKEN ARGAZKIAK

2009-06-25T12:24:00.002+02:00

Pasa berri dugun igandeko IRUNGO TXISTULARIEN ALARDEKO eta San Juan bezperako SOKA DANTZAKO argazki sorta ederrak prestatu dizkigu Ane Gilek. GOZATU!!!

BERO SAPA OÑATIN

2009-06-18T10:37:00.004+02:00

Igandea Oñati aldean igaro genuen taldekideok ederki jabetu ginen bai, zer nolako izerdi uholdea bota behar izan zuten Oñatz dantza taldeko bederatzi dantzariek. Egun osoa gora eta behera igaro zuten, santuak lagunduaz eta arratsaldean plazan ia ordu beteko saioa eskainiz. Gorputz eguneko ospakizunek, baldintza fisiko ezin hobeak izatera derrigortzen dituzte dantzariak, bai jauna!
Dena den, kezka edo pena txiki bat badut. Izan ere, goizeko prozesioa herritar ugarik jarraitu zuten arren, arratsaldeko saioan hutsuneak nabari ziren hesiaren inguruan eta honek harritu egin ninduen. Behingoagatik ondorio sakonik ezin dugu atera, baina zer pentsatu behintzat eman dit!.

Gure aldetik berriz, egun polita igaro genuelakoan nago eta hurrengo ikasturtean ere taldeak honelako txango ludiko-pedagogiko berri bat antolatu beharko lukeela iruditzen zait. Hala ere, oraindik asko falta da eta gaur-gaurkoz ekainari bete-betean heldu beharko diogu. Animo, urteroko moduan saio ugari pilatzen baitzaizkigu garai honetan eta guk ere baldintza fisiko zein psikologiko onak izan beharko baititugu.

AURTENGO IRTEERA LUDIKO-PEDAGOGIKOA

2009-05-26T18:34:00.006+02:00

Azken bi urteetan abiaturiko ohiturari jarraiki, Euskal Herrian zeharreko dantzak taularatzeaz gain, berezko duten inguru eta giroan ikusi eta bizi ahal izateko aukera izango dugu aurtengoan ere.

Orain bi urte Biasterin eta iaz Lizarran izan ginen gisara, oraingoan Oñatiko Korpus dantzak ikustera joateko asmoa dugu. Ekainaren 14ean goizean goiz abiatu beharra izango dugu, baldin eta egun osoan zeharreko ekitaldiez gozatu nahi badugu behintzat.

Honelako egitasmoek helburu bikoitza dutela esan beharrik ez dago noski. Batetik, euskal dantza eta usarioen inguruko formazioa sakontzeko aukera ematen digute eta bestetik eguna giro ederrean elkarrekin igarotzeko aukera ere bai.

Urtero bezala ahalik eta jende gehienak izena eman dezan nahiko genuke, beraz, taldekide orori (egungo, zein alpargatak eskegitakoei) gonbidapena luzatu nahiko genioke. Ziur egun polita igaroko dugula!

HONDARRIBIA DANTZAN III kronika

2009-05-18T11:21:00.009+02:00

Hirugarren urtez ere lana ondo egin izanaren sentsazioz amaitu dugu, ezta hala?

Ostiraleko hitzaldiarekin emaniko hasiera sakona eta hausnarketarako benetan baliagarria izan zitzaigun, gainera beste behin ere udaletxeko areto nagusia betetzea lortu genuen eta hori zerbaiten adierazle bada noski!

Igandean berriz, dantzaz gozatzeko aukera izan genuen, ikusiz zein eginez!.
Egia esan ez da batere erraza izaten honelako ekitaldietarako dantza taldeak lotu ahal izatea eta azken ordurarte ez da jakiten zeintzurekin kontatu ahal izango dugun. Hala ere, aurtengoan, Legazpi zein Andoaingo dantza tradizioaz gozatu, bertako haurren dantza hastapenak ezagutu eta orohar dantzaren inguruan asteburu bikaina igarotzeko beste aukera bat izan dugu Hondarribian.

Taldeetako kideak eguna zein gustora igaro duten, zein ondo zaindu ditugun (menuak jasoriko goraipamenak batez ere)... esaten entzuteak, lanak merezi izan duela pentsatzera garamatza eta Kementxu guztiok aurrera jarrai dezagun animatuko gaituela pentsatzen dut.

Antolakuntza eta intendentzia lanetan ariturikook, parte hartzaile orori eskerrak eman nahi dizkiegu eta nola ez, hemendik aurrera ere Hondarribia Dantzan-en ekitaldi ugari bizi ahal izateko aukera izan dezagun espero dugu.

IÑAKI ARREGI ARTANO

2009-05-13T13:47:00.007+02:00

Andoainen jaio eta egun Donostian bizi da. Bere herriko dantza taldean hasi zen dantzan 1970ean eta ondoren Donostiako Goizaldi taldean jarraitu zuen, hainbat urtez Ignacio Gordejuela maisu izan zuelarik, bertan egindako azken lau urteetan zuzendari artistiko lanetan aritu zen.
1983an Pasaiako Euskadiko aurresku txapelketako irabazle izan zen.
1986. urteaz geroztik Juan Antonio Urbeltzen zuzendaritzapean, Argia taldearen dantza ikuskizunetan (Irradaka, Zortziko, Alakiketan, Kondharian, Pas de Basque eta Axeri Boda) dantza maisu, prestatzaile fisiko eta dantzari lanetan jardun du.
Honekin batera, Ikerfolkeko ekimenen artean, bai Euskal Herrian zein kanpoan dantzari loturik egiten diren ekintza ezberdin ugaritan, hala nola, ikastaro, aurkezpen, hitzaldi, ikerketa lan, dantza erritual eta protokoloen berreskuratze...etan ere parte hartu ohi du.
Euskal Herriko dantza tradizionalez gain, bere ezagutza eta prestakuntza, dantza garaikideek, klaketak, bikote dantzek eta beste herrialdeetako dantza tradizionalek (Ingalaterrako Morris dantzak, Errenazimentuko dantzak, Greziako dantzak, Eskoziako kontradantzak, Bulgariako dantzak, Probentzako dantza militarrak, eta abar) ere osatzen dute.
Gipuzkoako dantzetan gaur egun dagoen erreferente nagusienetakoa da, besteak beste "Gipuzkoako dantza-maisuen taula gimnastiko-koreografikoa" osatze lanetan jardun zuelarik.

Eskainiko duen hitzaldiaren izenburua: "Tradizioa eta sorkuntza: Axeri-Boda, Argiaren azken lanaren haritik" da.

Hona hemen, EITBko Postdatan Argiako arduradunek, Iñaki Arregi tartean, AXERI BODAren inguruan emandako azalpenak.

Ia zer kontatzen digun ostiralean, belarriak erne eta burua zabal-zabal...

BADATORKIGU HONDARRIBIA DANTZAN III

2009-05-06T14:20:00.004+02:00

Hilabeteek ihes egiten digutela konturatzen gara urtetik urterako antolakuntza lanetan dihardugunean. Izan ere, datorren maiatzaren 15 eta 17ko asteburuan Hondarribia Dantzan-en 3. ekitaldia ospatuko dugu.
Aurrekoetan bezala, ostiral iluntzean hitzaldi batekin emango diogu hasiera asteburuari. Aurtengoan Iñaki Arregi etorriko zaigu, batzuk gogoan izango dituzue berarekin eginiko prestakuntza entsaioak! Tradiziotik abiatuz azken urteetan talde ezberdinek hartu duten bidea, sorkuntzena, jorratuko du (ia eztabaida pizteko behintzat balio duen).
Igandean berriz, goiz-goizetik talde ezberdinetako jendea bildu eta herrian zehar saiotxoak burutu ondoren, Santa Maria Madalenako dantza saioa 12:30tan hasiko da.
Arratsaldeko egitarauean aldaketa txiki bat egin behar izan dugu, erromeria Zumardira aldatu delarik.
Aurtengoan ere eguraldi ona lagun izatea eta jende ugari biltzea espero dugu. Honek guztiak noski aurretik ere taldekideen lana ezinbesteko egiten du, kartelak jartzerako orduan, taldeekin "gida" lanak egiterakoan, otorduak prestatzerakoan... Aurreko urteetan izandako harrera berbera izaten badu ordea, lanak denon artean banatu eta giro onean jarduteko aukera izango dugu!!!.

ASTEBURU NEKETSUA

2009-04-17T13:36:00.001+02:00

Izan ere, jadanik indar berritzeko denbora izan dugun arren, guztiok gogoratuko dugu martxoaren 28-29ko asteburua, asteburu neketsu moduan. Hori bai, giro onean ibiltzeko aukera paregabea ere izan genuen!.
Lehenik gure etorkizun diren gaztetxoen dantza saioa ikusteko aukera izan genuen (beno, gehienok eskenatoki atzean egoteko aukera esan beharko). Azken urteetako ohiturari jarraiki Amaia guraso aiton-amona...ez lepo ikusi ahal izan zen. Ia dantzarako zaletasun horrek aurrera begira ere jarraitzen duen!!!

Gau luzearen ondoren KORRIKA pixka bat egin ahal izan genuen euskararen alde nola ez. Mikel eta Anek martxa ederrean eraman gintuzten gure kilometroan zehar eta taldeak euskal kulturari laguntzatxoa eskaini ahal izateko, beste aletxo bat erein zuen.

Izerdia hozteko aukerarik gabe Hernani aldera jo genuen, azken urteetan ohitura bihurtu zaigun Dantzari Festan parte hartzeko. Egia esan dantza gehiegi egiteko aukerarik izan ez genuen arren, hurrengo hilabeteetako lanari begira prestakuntzan pauso bat gehiago izan zen. Zenbaitentzat gainera pauso handia, Kemenekin estreinaldia izan baitzuten!!!

Honelako asteburuak gaztetxoenentzat egokiagoak diruditen arren (adinak ez du barkatzen) zenbaitetan eskertu egiten dira!!!

KORRIKA 16

2009-03-27T16:44:00.003+01:00

Orain dela 36 urte sortu zenetik Kemen dantza taldearen helburu nagusienetako bat euskal kultura, ohitura eta tradizioak ezagutu eta zabaltzea izan da. Euskaldun izatearen ardatz eta oinarri gure hizkuntza dela kontuan izanik, beronen alde lan egitea ezinbestekotzat jotzen dugu. Bide honetan besteak beste AEK-k herriz herri burutzen duen euskalduntze lana azpimarratu nahi dugu eta Korrika bezalako festa batek, lan hau ezagutarazteaz gain euskararen aldeko uholdea indartzen laguntzen duela deritzogu. Hauek guztiak eta gehiago kontuan izanik, gure ale txikia jartzen saiatzen gara Korrika 16ean parte hartuz.
Aurtengoan gure kilometroa Izaga kale ondoko tunelaren inguruan izango dugu (bide batez gure lokal xaharrari agurra egin ahal izateko) eta testigua hartzeko unea igande goizeko 7:40 aldean izango da.

ONGI ETORRIA IZANGO ZARA

Heldu hitzari, lekukoari, elkarlanari, herriari eta noski gure ohitura eta folkloreari!!!!!

KALDEREROAK

2009-02-27T08:15:00.003+01:00

KONTZERTU DIDAKTIKOA

2009-02-26T14:27:00.004+01:00

Kemenek Irungo txistulariekin azken urteetan izandako harremanen fruitu dira kontzertu didaktikoak ere. Hiriko eskola ume ugarik musika, eta bide batez dantzak, maitatzen hasteko aukera paregabea eskaintzen dute aste honetan Amaia kultur zentroan eskainiriko saioek.

Ikasleek primeran pasa zutela ezin uka, baina baita dantzari jolastiek ere!.

PUSKA BILTZEA

2009-02-24T16:58:00.004+01:00

Eguraldi ederra dezue behintzat eh!
Hala zioten baserriz-baserri atea ireki eta ongi etorria egiten ziguten etxekoandre eta gizonek. Urteroko ohiturak berrituz aurtengoan ere fandango eta arin-arin mordoa dantzatu ahal izan genituen. Txistulari eta trikitilarien laguntzaz dantzari talde handia osatu genuen, bai behintzat inauteri igandea izateko (batzuen begi zuloak begiratu besterik ez zegoen!).
Taldeko musikariez gain, musika eskolako txistularien laguntza ere izan genuen, iaz hasitako elkarkidetza egitasmoari jarraiki, hemendik aurrera ere guztiok batera jarduera ezberdinak burutzeko aukera izatea espero dugu.

Dantzatu ondoren bazkari eder batekin eguna jarraitzeko aukera ere izan genuen. Betiko moduan taldeko "cheff" profesionalaren eskutik tripa ondo bete ahal izan genuen, baita hurrengo aste osorako hainbat hozkailu ere!!!.
Betiko moduan mila esker parte hartzaile eta laguntzaile orori eta noski beraien etxeetan besoak zabalik hartu gintuztenei.

ALBOKA IKASTAROA

2009-02-19T16:35:00.008+01:00

Zerbait buruan sartzen zaigunean horren bila jotzen dugu nekerik gabe, eta oraingoan albokaren hotsak gure artean indartzeko helburuarekin, tresna hau jotzen ikasteko ikastaroa antolatzea pentsatu dugu.

Gure artean hain ezezaguna den aintzinako euskal musika tresna honen ikastaroa EKTko lagunekin batera antolatuko dugu.

Ikastaroa ostiral arratsaldetan izango da EKTk Larretxipi kalean duen egoitzan eta irakaslea Andoiango Jon Iraola izango da. Interesa duen orok gurekin harremanetan jartzea besterik ez du.

HASI DIRA INAUTERIAK KEMENEN

2009-02-15T23:07:00.003+01:00

Azken urteetako inauterien hasiera unea Kaldereroek adierazi ohi dute Kemenen, eta aurten ere honela izan da asteburu honetan bertan.

Hotz handiari aurre eginez, jendez beteriko plazan, Brahms-en 5. dantza hungariarraren doinuei jarraitzeko saiakera nahiko duinak ikusi ahal izan genituen. Egia esan, ez da gure espezialitatea, baina bai egunean bertan zein aurreko asteetako ensaioetan umore alaiz jazteko aukera ematen digu. Gainera, inauteriak dira eta bakoitzak bere mozorrotzeko dohaiak agerian jartzeko momentu ere badira, larunbatean batzuk bereziki egin zuten moduan.

Hurrengo asteburuan ere inauterietako ospakizunekin jarraitzekotan gara noski eta aurtengoan ere aspaldiko urteetako ohiturari jarraiki Olaberriako baserrietan zehar puskak biltzen ibiliko gara. Dantzarako eta giro ederrean eguna pasatzeko gogoa duen orok ateak zabalik ditu!!! Elkar ikusiko dugu.

1 ETA 2, EZ DA HAIN SINPLEA!

2009-01-25T21:46:00.002+01:00

Zein esparrutan kokatuko genuke Kemenen izaera? Aisialdikoan, hezitzailean, artistikoan edota agian terapeutikoan, zergatik ez?

Banengoen ba ni gure artean hainbeste eztabaida izateak oinarri teoriko batzuk izan behar zituela!

Egia esan, informazio ugari jaso dugu gaur egun osoan zehar eta hurrengo otsailaren 8an gehiago jasotzen jarraitzeko asmoz eta gogoz gaudela esan daiteke. Baina hori bai, gerora asko geratuko zaigu egiteko. Jasotako guztia barneratu ahal izateko norberak hausnarketa bat burutu beharko du eta zer esanik ez elkarren arteko eztabaida ordu gehiago sartu beharko ditugu. Baina noiztik gara eztabaidaren beldur? Eta orduak elkarrekin pasatzeari noiztik jarri diogu mugarik?

Beraz, guztion aberasgarri izango delakoan animo, eutsi motibazioari eta hurrengo dantza monitore ikastaroko saioan ere elkar ikusiko dugu!!!

OSTIKOKA (BALOIARI EDO)

2009-01-19T12:44:00.005+01:00

Urteak dira bai taldeko gazte eta gaztetxoen arteko futbol partidua jokatzen dela. Izan ere, dantzak elkartzen gaituen arren, urtean zehar hainbat eta hainbat ordu igarotzen ditugu elkarrekin eta gauza askotarako astia izan ohi dugu. Talde gisa funtzionatzen eta bizitzen ikasteko aukera paregabea eskaintzen digu Kemenek ekintza askoren artean honelako partiduak ere badaudelarik.

Aurtengo gabonetan ere urteroko zitari hutsik egin gabe, hainbat taldekide elkartu ginen urtarrilaren 4ean, markagailuak hala adierazten ez duen arren, leihaketa borrokatuari aurre egiteko. Beste behin ere, nahiko argi geratu zitzaigun, salbuespenak-salbuespen (Igor Yebra, Joseba Etxeberria...), dantza eta futbola ez direla oso ondo uztartzen, ez 80. hamarkada aurretik jaiotakoen kasuan behintzat.

Beno, helburua elkarrekin une goxo eta humoretsua igarotzea izanik, guztiz bete zela esan dezakegu. Gainera nola ez, partidu ondorengo bazkarian guztiok elkarrekin jokaldi esanguratsuenen errepasoa egiteko aukera bikaina izan genuen... Ezin gehiago eska urte berriaren hasiera honi.

Animo gazteak, hurrengo urtean ziur nerabeei irabazteko gai izango zaretela!!!

EGUTEGIA

2009-01-15T15:25:00.003+01:00

2009an ere EUP!

2009-01-08T12:16:00.005+01:00

Urte berriari hasiera eman berri diogunean, abian jarri nahian gabiltzan burutazio batzuekin gatoz.
Gehientsuenok jakinaren gainean izango zarete, orain dela urte pare bat, taldeko hainbat kide gure folklorean indarrean dagoen musika tresna bat jotzen ikasten hasi zirela, dultzaina edo gaita hain zuzen ere. Taldean urte luzez lan eskerga eginiko Patxi Pagola arduratzen da asteazkenero pitak urratzen dabiltzanei laguntzeaz.
Oraingoan berriz, beste musika tresna berezi baten ikaskuntzari hasiera eman nahiko genioke; alboka. Horretarako Andoaingo Jone Iraolarekin hitz egin dugu, mutil gazte hau prest egongo litzateke interesa duen orori hasierako irakaspenak emateko. Beraz, hemendik deialdia luzatu nahi genizueke taldekide guztioi, inork alboka jotzen ikasi nahi balu aukera ezin hobea du!!!

Bestetik, azken urteetako joerari jarraituz, taldekide orori zuzenduriko barne-ikastarotxoren bat antolatzekotan ere bagabiltza. Aurtengoan haurrei dantza irakasterakoan kontuan izan beharreko alderdi ezberdinez hitz egingo digute Ion Nabarro Amezketa eta Mikel Diaz Piñar nafarrek, alderdi teoriko eta praktikoak lantzeko aukera izango dugularik. Hurrengo asteetan ikastaroaren inguruko berri gehiago emango dizuegu noski.

SANTO TOMAS

2008-12-23T23:10:00.004+01:00

Gabonak gainean ditugun honetan urteroko gure zitari ez diogu hutsik egin eta aurtengoan ere umoretsu plazaratu gara Santo Tomas egunez.

Kemenek eskainitako saioak ez zuen inor ezaxola utzi behintzat, kritikak ikuspegi askotarikoak izan ziren alajaina!

Batetik, Arizkungo sagar dantzan oinarrituz, 1928an Saski-Naski ikuskizunerako sorturiko Sagar dantza eta bestetik, ekainaren 24ean Andoaingo herriak burutu ohi duen Axeri-dantza jolastia.

Ikustear dago hurrengo urtean zer egingo dugun!

ANDOAINGO AXERI DANTZA

2008-12-14T21:33:00.010+01:00

Dantzan.com-etik harturiko argazkia

Aurtengo Sto. Tomasetako saioari begira aurreko ostiralean Andoaingo Axeri dantza prestatu ahal izateko bixita izan genuen Izaga kaleko gure lokal xaharrean. Fernandok, gaur egunean San Juanetan Andoaingo hainbat herritarrek aspaldidanik datorren ohitura mantenduz nola dantzatzen duten azalpen aberasgarriak eman zizkigun, gure aldetik, ahalik eta fidelen jarraitzen saiatu ginelarik.

Fernando dorrea zuzentzen

Espero dezagun hurrengo igandean guztia primeran ateratzea eta dantzari zein ikusleek gozatzeko aukera izatea.

Gure aldetik eskerrik beroenak Andoaingo jendeari eta hartuemanak jarraipena izango duelakoan gaude.

URTEKO BALANTZEA

2008-12-04T18:41:00.009+01:00

Ikasturteka urtea antolatzen dugunontzat, urria-azaroa bitartea izaten da aurreko urtearen balantzea egin eta berriari atea irekitzen hasteko unea. Kemenek urteko batzar orokorrarekin eman ohi die amaiera ikasturteei, hain zuzen ere azaroaren 1ean eginiko batzarra izan zen 2007-08 ikasturtearen baloraketa egin eta 08-09 ikasturterako planak egiten hasteko erabiliriko abagunea.
Gurea bezalako dantza talde batek hainbat lan eta konpromezu burutu ohi ditu urtean zehar eta zer hoberik eginiko lanaren adierazgarri diren irudiak ikustea baino. Irudi batek mila hitzek baino balio gehiago omen du, hona hemen adibide batzuk:

Azken urteetako ohiturari jarraituz Irungo Atsegiñak

antolatu ohi duen kauteren konpartsan parte hartu genuen.

33 bikote eta beste hainbat lagun elkartu gintuen ekitaldi hunkigarria San Juan bezperako aurtengo soka dantzan.

San Martzialetako dantza saioan Pirineotan barrena ibilaldia burutu genuen.

Irungo nahiz Hondarribiako txistularien alardeetan ere parte hartu genuen. Guretzat hain ohikoak ez diren dantzak burutzeko aukera ere izan genuelarik.

Atzerrian ere gure hazia ereiten saiatu gara.
Sarvar, Hungaria

Esan bezala, hauek adibide xumeak besterik ez dira, entsaioz-entsaioko lanaren fruitu ale txiki besterik ez, aldi berean ordea, guztion ahaleginek bere uzta oparoa dakartela adierazten diguten ereduak ere badira.

IKERKETA LAN TALDEAREN IBILERAK

2008-11-11T11:38:00.003+01:00

Bai, bai, askorentzat harritzekoa izan arren, orain ikasturte batzuk taldean ikerketa lan talde bat abian jartzea erabaki genuen. Egia da bai, lan talde askok bezala, funtzionamendu nahiko gorabeheratsua izan duela eta ezin esan daiteke indar handia duenik gaur egunean, baina tarteka lan apur bat egiten du.
Asteburu honetan esaterako, Eusko Ikaskuntzak antolaturiko "Ohidüra eta sorkuntza Zuberoan" jardunaldia burutu da Barkoxen eta bertara abiatu ginen hiru taldekide.
Xiberuko dantza eta folklorearen munduan esanguratsuak diren hainbat pertsonaren hitzak entzuteko aukera izan genuen bertan. Besteak beste, Jean Mixel Bedaxagarrek, Buhameak, bralia eta soinulariak izan zituen mintzagai, Nicole Lougarotek Buhameen berri eman zigun eta Patrick Queheillek probintzia txiki honetan azken urteetan sorturiko dantza eta ikuskizunen zerrendatzea burutu zuen.

Jean Mixel Bedaxagar

Bazkaldu ondorenean, Mixel Etxekoparren aurkezpenaz lagundurik, Etxebarre 007 izeneko filma ikusteko aukera izan genuen, Xiberuko herri txikienean antolatu eta buruturiko ikuskizun edo ikusgarriaren berri ematen zuena.
Euskal Herriaren eta euskal herritarron izaera bereziaz eta prefosta xiberutarren ele goxoaz gozatzeko aukera paregabea izan genuen larunbatean.

AMAIERA BIKAINA

2008-10-13T13:11:00.003+02:00

Bai, halaxe izan zen!
Urtean zehar Kemenen 35. urteurrena ospatzeko buruturiko ekitaldiek izandako harrera izugarria izan da eta zer esanik ez larunbat honetan izandako bazkari eta ondorengo festa giroa. Badakigu, honelakoetan gertatu ohi den moduan, saiakera ugari eta ezberdinak egin arren, agian hainbat pertsona deialdiaren berri jakin gabe geratuko zirela, eta beste hainbatek arrazoi ezberdinak direla eta ezin etorri ahal izan zutela.
Hala eta guztiz ere 132 pertsona biltzea ez da marka txarra, ezta?

Gainera giroa zoragarria izan zen eta Imuntzo, Beloki eta Mattinekin ibilitako martxak argi utzi zuen dantzarako gogoa eta grina ez direla galdu gure artean.

Eskerrik asko guztioi honelako egun eder bat igarotzeko aukera ematearren. Hurrengo urteurren ekitaldietan ere parte hartzeko irrikaz geratu garela iruditzen zaidanez, animo gaztedia zuen esku geratuko baitira antolaketa lanak!!!

SAMINA TALDEAN

2008-09-17T11:28:00.006+02:00

Gehienok jakingo duzuen moduan ezusteko latza izan genuen atzokoan. Oraindik ere, erreakzionatu ezinik gaude eta zer gertatu den ezin ulerturik.
Taldearen lehenengo urteetatik dantzan arituriko Peio Urtxegi joan zaigu bat-batean. Askok gogoratuko duzue bere makila eskuetan eta beti ere irrifarra ahoan.

Azkenengo hilabeteetan ere taldearekiko bere loturak indarrean jarraitzen zuen, hain zuzen ere aurtengo San Juan bezperako soka dantzan parte hartzera animatu zen eta urteurreneko ospakizunetan laguntzen ere ari zitzaigun, hain gustoko zuen argazkilaritza dantzarekin uztartuz.

Guztiok hunkiturik gauden momentu hauetan, Kemeneko partaide garen eta izan garen guztion izenean besarkadarik beroena eskaini nahi diogu bereziki bere familiari, taldearen sorrera eta bilakaeran hainbeste lan egin duten guzti horiei hain zuzen ere.

AGURRA SARVARDIK

2008-08-19T14:32:00.004+02:00

Azkenean, pixka bat kosta zaigu Internet-erako sarbidea aurkitzea, baina lortu dugu!.

Ezin esan gaizki gabiltzanik, ez horixe, momentu hauetan bertan taldekide gehienak uretan, pol-pol ari dira (ur berotik, hotzera eta alderantziz). Aurrez pentsa zitekeen bezala esperientzia ederra suertatzen ari da, lehenengo bi egunetan dantza dexente egin genuen arren, azken bi egunak lasaiagoak izan dira, hori bai tarteko festak kontuan hartu gabe.

Viva BOBO! Velem-en

Talde ezberdinekin harremanetan jartzeko aukerak aprobetsatzen saiatzen ari gara, bereziki Mariko Errepublikako eta Alsaziako kideekin hartueman berezia dugularik. Ezin esan daiteke herrialde guztien arteko harremanak berdinak direnik, noski, talde batzuen segurtasun indarrak gainditzea kosta egiten baita, Israelgo lagunena kasu.

Biharko dantza saioarekin jaialdiari amaiera eman eta itzulera bideari ekingo diogu, ia ez dugun arazorik izaten mugak igarotzerakoan!!!

AGUR, AGUR, AGUR.......GOAZ

2008-08-07T17:20:00.002+02:00

Hurrengo asteartean goizean goiz abiatzekoak gara Hungaria aldera. Azken asteetan urduritasun berezia soma daiteke, batez ere taldekide batzuengan. Izan ere, askorentzat nazioarteko dantza jaialdi batean parte hartuko duten lehen aldia izango da. Honelako esperientzia batek aukera ugari eman ohi ditu, herrialde berriak ezagutzeaz gain jendearekin harremanak indartuz.
Nazioarteko jaialdi batek lan ugari ere eskatu ohi du, azken asteetako ensaio orduek argi adierazten duten moduan. Gainera, aurtengo jaialdia berezia izango da, izan ere Euskal Herriaren izena eta izana inolako oztoporik gabe aldarrikatzeko aukera emango baitigu, gure dantzak erakusteko aukera ugariiiii emateaz gain.
Jaialdiaren inguruko informazioa ikusi nahi duenarentzat hona hemen lotura bat: INFORMAZIOA

tagzaniapaste
Irun-Sarvar map

Eginiko lanaren emaitzak jaso eta gure arteko hika-mikak ahalik eta txikienak izatea espero dugu.
Elkarren berri izango dugu, ahal izanez gero Hungariatik.

ALPARGATAK URRATUZ

2008-08-07T16:59:00.004+02:00

Azken asteetako lanaren ondoren, hurbiltzen ari zaigu aurtengo Irungo Euskal Jira eguna ere. Gehienok jakingo duzuen moduan, 35 .urteurren ospakizunen barnean gurdia atontzea erabaki genuen, lanak amaitzear ditugularik. Hala ere, eginiko saiakerek ez dute fruiturik emango guztion parte hartzerik gabe. Beraz, animatu eta nahi duzuen guztiok etor zaitezte Kemenek aterako duen gurdi orijinalaren inguruan dantzan. Haur, gaztetxo eta gazte guztiok gonbidaturik zaudete, gurekin arratsaldeko 4:30etan Pasaka tabernaren parean hasiko dugun kale bueltan parte hartuz Letxunborroraino iritsi eta bertatik itzulerako bidea egitera!. Ordu honetan azaldu ezin duenak, Letxunborron bertan gurekin elkartzeko aukera ere badu, arratsaldeko 5:45etan.
ANIMO, JANTZI ZURE BASERRITAR JANTZIAK ETA DANTZARA!!!

MILA ESKER ARTISTA

2008-07-18T12:30:00.008+02:00

Urtean zehar hainbat pertsonaren laguntza jasotzen du Kemenek. Baina gaurkoan bereziki azpimarratu nahiko genuke bi taldekideren aita egiten ari den lana. Guztiok ikusi ahal izan ditugun argazki sorta ederrak egiten dizkigu eta baita sarean jarri ere. Gure argazkilari ofizial izendatu eta soldatatxoren bat jarri beharko diogun pentsatzen hasiak gara!.

Mila esker Talo eta segi aurrera zure afizioarekin, benetan argazki politak egiten baitituzu.

Beheko argazkietan klikatuz zuzenean sartuko zara gure artistaren albunetan.

Ekainaren 22an

Irungo txistularien alardea

Ekainaren 23an

Soka dantza

Ekainaren 27an

San Martzialetako saioa

Uztailaren 6

Hondarribiko txistularien

alardea

ATZERA BEGIRA, PIRINEOTAN BARRENA

2008-07-13T19:23:00.005+02:00

Azken urteetako ohitura izan da Kemenen ikasturtean zeharreko lana batez ere San Martzialetan eskaini beharreko saiora bideratua izatea. Aurtengoan ere honela izan dela esan dezakegu. Azaroan hasi eta ekainera bitarteko ensaioak Pirineotan Barrena ikuskizuna osatzeko izan dira batez ere. Saioaren bizkarrezurra eratzen joan garen hilabete hauetako lanak bere fruituak eman dituela esan dezakegu.

Izan ere, ekainaren 27an, ia bi orduko dantza saio txukun bat burutu genuela esateko lotsarik ez da izan behar. Noski, beti izaten dira hobetu daitezkeen alderdiak eta jendearen kritikei ere ez zaie entzungor egin behar, beti ere hemendik aurrera garatuz eta pixkanaka ernetuz joan ahal izateko.

Auritzeko ingurutxoa

Hilabete neketsu hau amaitu ondoren, atzera begiratu eta atseginez irrifar egiteko moduan gara, guztion lanak eta noski, baita taldean bizi dugun giroak ere, zergatik ez, aurrera jarraitzeko indarrak ematen baitizkigute.

Hemendik aurrerakoa ere garrantzitsua izango da, lehenik abuztuaren 5ean Ezpeletan, herri kirolak eta dantza tartekatuko dituen saio bereziaren ondoren, aspaldiko urteetan ez bezala Euskal Jiran gurdi eder bat atondu eta taldetik igarotako jendearen partehartzearekin egun eder bat igaroko dugu abuztuaren 9an. Geroago, Hungariako Sarvar herrian ospatuko den Nazioarteko dantza festibalean parte hartuko dugu.

Beranduago ere izango dugu hauen berri.

ZIRRARA BEREZIA

2008-06-24T10:22:00.004+02:00

2008ko San Juan bezpera Kemenen urrezko orrietara igaro da zuzenean. Aurreskularia plazaren aurrekalderaino iritsi zenean hainbat taldekide arkupe azpian zeuden oraindik beraien unea noiz iritsiko zain. Izan ere taldearen 35 urteetan zehar dantzari izandako hainbat eta hainbat elkartu ginen sokan urteurrena ospatzeko asmoz.

33 bikotez osaturiko soka ederra ikus zitekeen plazaren inguruan eta beste hainbat taldekideren parte hartzearekin osaturiko fandango, arin-arin eta kalejira alaiarekin bat baino gehiagoren kirioak dantzan jartzea lortu zen atzo iluntzean.
Beste behin ere, dantzak, folkloreak eta gure herriko ohiturek adin eta izaera anitzeko jendea batzeko gai direla erakutsi zuten, soka dantzaren ondoren ateratako argazki, eginiko hitz aspertu eta nola ez afaritxoak garbi adierazten duten moduan.
Sentimendu eta emozio ugariz beteriko ilunabarra izan genuen, ez lotsak ez euriak zapuzterik izan ez zutena.
Eskerrak dantzatuaz, ikusiaz edo taldearentzat hain handia den egun honetan pentsatuaz lagundu zenuten guztioi.

INOIZ IKUSIRIKO LUZEENA

2008-06-20T12:11:00.000+02:00

Aurtengoa urte berezia dugu Kemen dantza taldearentzat. Izan ere 35 urte betetzen dira Txingudi ikastolako guraso batzuen ekimenez bertako haurrei euskal dantzak irakasten hasi zirenetik.
Urteurren ekitaldien artean taldearen historian erro sakonak dituen San Juan bezperako soka dantza indartzeko asmoz, taldetik igarotako jendeari gonbidapena luzatu zaio. Deialdiak izandako arrakasta izugarriak Irunen orain arte ikusi ez bezalako soka-dantza ikusteko aukera emango digu. Ekainaren 23an 30 bikotetik gora izango ditugu gaueko 9etan San Juan plazan dantzatzeko prest.
Guztia prest dago belaunaldi ezberdinetako jendeak, tartean baita ama-alabak ere, ikuskizun hunkigarria eskaini ahal izateko. Ekitaldia borobiltzeko irundar guztion parte hartzea besterik ez da falta.

HILABETE LANPETUA

2008-06-09T12:27:00.006+02:00

Urtero legez ekaina oso hilabete lanpetua izan ohi da Kemenentzat. Aurtengoan gainera normalean baino konpromezu gehiago izango ditugu.

Batetik, San Pedro eta San Martzial jaien egitarauaren barnean hainbat dantza saio eskaintzeko aukera izango dugu. Ekainaren 22an arratsaldeko 8retan hasiko den Txistularien alardearen barnean hainbat dantza eskainiz emango diegu hasiera jaiei, hurrengo egunean San Juan bezperako soka dantza eskainiko dugularik.

Urte asko dira Kemen soka dantza dantzatzen hasi zela eta nahiz eta hasieran egun eta leku ezberdinean burutu, azken urteetan ekainaren 23ko iluntzeko 9etan punttu-punttuan hasi ohi da San Juan enparantzan.

Momentu berezia da hau taldekide ororentzat, irundar ugari egoten baita zain dantzariak noiz aterako eta halako zirrara berezia sentitu ohi da jaien hasiera ofizial gisa hartzen dugun honetan.

Aurtengoan gainera, taldearen 35. urteurren ekitaldiak direla eta deialdi berezia egin nahi izan zaie taldetik igarotako guztiei soka dantzan parte hartzera anima daitezen. Parte hartzea handia izatea espero dugu, jadanik hainbat taldekidek izena eman baitute. Dantzatu ondoren guztiok batera mokadutso bat egiteko aukera ere izango dugu, aspaldiko lagunak ikusi eta askoren kasuan elkar ezagutzeko aukera bikaina izango delarik.

Ekaineko egitarauarekin jarraituz, Kemenek Irunen urtero eskaini ohi duen dantza saio berezia iritsiko da, ekainaren 27an. Saioa gaueko hamarretan hasiko da Santiagoko Euskal jai frontoian eta ikasturte honetan zehar landuriko dantzak taularatuko dira.

Ez dugu deskantsurako astirik izango eta hurrengo egunean bertan, Errenteriako Ereintza dantza taldearen urteurren ekitaldietan parte hartuko dugu.

Aurtengoan gainera, ezin izango ditugu saio luzearen ondorengo oporrak hartu, uztailaren 6an Hondarribiako txistularien alardean ere parte hartuko baitugu.

Garbi dago uztailaren erdialderarte ensaio eta prestakuntza lan handiak geratzen zaizkigula, baina urtean zehar eginiko lanaren fruituak jasotzen hasteko momentua ere badatorkigu. Trena abiatu zaigu eta bidean ahalik eta bidaiari gehien jasotzeko esperantzaz ia helmugara umoretsu eta sendo iristen garen guztiok.

LIZARRARA TXANGOA

2008-05-21T11:43:00.002+02:00

Aurreko ikasturtean hasiriko bideari jarraituz, Kemen dantza taldeak irteera "ludiko-pedagogikoa" antolatu du. Iaz Biasterin izan ginen eta aurtengoan Lizarrara joateko asmoa dugu maiatzaren 25ean, bertan dantzak ikusiz egun pasa ederra egiteko.
Egun honetan Puyko Andre Mariaren eguna ospatuko da, dantzariek lagundurik prozesioa burutuko dutelarik.

HONDARRIBIA DANTZAN II Kronika

2008-05-19T14:59:00.006+02:00

Igaro berri dugun asteburua bikaina izan da Kemen dantza taldeko kideontzako.

Aurtengoan Hondarribia Dantzan-en bigarren ekitaldia ospatu berri dugu eta eguraldia lagun, guztia primeran atera zela esan daiteke. Asteburuko ekintzei ostiralean J.I Ansorenak emandako hitzaldiarekin eman genien hasiera. Ansorena bezalako erreferentziazko pertsona bat Hondarribira ekartzeak duen garrantzia agerian geratu zen udaletxeko areto nagusiak izandako itxurarekin. Aulki hutsik ez eta jendea adi-adi eta askotan irrifarra ahoan izan zen ordu bete pasatxoan zehar.

Tradizioaren balioez jardun zuen Ansorenak, entzuleen artean gogoetarako eta eztabaidarako hainbat atal jorratuz.

Igandean berriz, Hondarribia Dantzan-en gainontzeko ekitaldiak burutu genituen. Goizean, Euskal Herriko herri ezberdinetatik etorririko hiru dantza taldek Hondarribiko kaleak alaitu zituzten. Herrian zehar hainbat puntutan dantzatu ondoren, eguerdiko 12:30etan dantza saio nagusiari hasiera eman zitzaion S. Maria Madalena plazan.

Baigorriko Arrola dantza taldeko kide gazteek Behe-Nafarroan oso ezagunak diren hainbat dantza eskaini zizkiguten. Tartean makilariaren trebetasuna aipagarria izan zelarik.

Lantziegotik Sebastian Iradier y Salaverri dantza taldeko kideak etorri ziren. Hauek Arabar Errioxako hainbat makil joko eta jota dantzatu zizkiguten gaita soinu indartsuz lagundurik.

Iñudeak eta artzaiak Hondarribiako Portutik

Azkenik, Berako herritarren txanda izan zen. Alaitasun eta animoz gainezka Iñude eta Artzainen konpartsa eskaini zuten, goizeko ekitaldiei amaiera emanez.

Taldeetako partaide guztiok elkarrekin bazkaltzeko aukera paregabea izan genuen, bazkarian bertan ere musika, dantza eta kantak falta izan ez zirelarik.

Arratsaldean berriz, Imuntzo eta Belokiren taldeak eskainiriko erromeria biziak, S. Maria Madalena plazara hurbilduriko jendea dantzan jarri zuen, asteburu bikainari amaiera ezinhobea emanik.

Kemen dantza taldeko kideok eginiko lan guztiaren ondoren nekaturik baina benetan pozik bukatu genuen, ekitaldiek izandako harrera eta jendearen partehartzea zirela eta. Pentsa daitekeen gisan, hurrengo urteko Hondarribia dantzanen prestaketari heltzeko gogoz eta ilusioz beterik gaude.

JOSE IGNAZIO ANSORENA MINER

2008-05-16T08:43:00.003+02:00

Donostian jaio zen 1953.ean aspalditik Euskal Musikarenganako zaletasun handia zuen familia batean. Isidro Ansorena, txistularien Maisu ospetsua aitona eta aitaponteko izan zuen eta berarekin burutu zituen txistu-danbolin ikasketak Donostiako Kontserbatorioan bestelako musika arloekin batera. Filosofia eta Letretako Lizentziatura lortu zuen Deustuko Unibertsitateko EUTG donostiar ikastetxean, Filologia Erromanikoaren arloan. Bederatzi urtez gazteen irakasle izan zen Hizkuntza, Literatura eta Dramatizazio arloetan Donostiako Manuel de Larramendi ikastetxean.

Donostian ospatu zen I. TXISTULARI BAKARREKO TXAPELKETA irabazi zuen 1979. urtean, baita zenbait konposizio lehiaketetan lehenengo sariak ere. Donostiako Txistulari Taldeko Zuzendaritza, eta bertako Kontserbatorio Nagusiko Txistu Katedra ere lortu zituen oposizioz eta talde honekin lehiaketa garrantzitsuenetara jo ondoren, denetan Lehenengo Saria irabazi zuten. Kontserbatorio honetako zuzendari ere izan da hainbat urtez. Txistuaren afinakuntzaren aldetik, teknikaren ikerkuntza eta pedagogiaren bidetik eman ditu ahaleginik handienak eta honen ondorioz Txistu Gozoa izeneko metodoa eman zuen argitara lau tomotan. Hauxe da gaur egun Akademia eta Kontserbatorio gehienetan erabiltzen den gida liburua. Errepertorioa zabaltzeko ere lan ugariak egin ditu eta gehienak Txistulari aldizkarian argitaratu dira. Zenbait urtez ere aldizkari horretako zuzendari aritu zen.

1982.ean Euskaltzaindiak deitutako Felipe Arrese-Beitia Poesia Lehiaketa irabazi zuen, Emeki Itxaropendutako Egunkaria liburuarekin. Musikologia aldetik ikerkuntza lan asko ditu eginak. Aipagarrienak: Euskal Kantak, Iztueta-Albéniz-en Musika Bilduma, eta Cancionero Popular Vasco.

Donostiako Txistulariekin batera bost disko ditu argitara emanak, euskal herri dantzak bilduz. Eta bakarlari gisan ere beste bost: Ansorenatarren danbolina, Txistu hotsak, Le Basque, Haize hegoa, eta Gipuzkoako soinu zaharrak.

1982. urtean Bilboko Orkestra Sinfonikoarekin batera, bakarlari gisan hau ere, estreinatu zuen Concierto para Txistu y Orquesta, Tomás Aragüés-ek idatzia, Errenteriako Musikasten eta geroago beste hainbat aldiz ere eskaini. 2002.ean, Euskadiko Orkestrarekin batera jo du kontzertu berbera Iruñean, Gasteizen, Bilbon eta Donostian. Aukera hori baliatuz prestatu zen zuzeneko grabazioa ELKAR disketxeak argitara eman du. 2003.ean, Donostiako Udaleko Txistulari Taldearekin batera, eta Euskal Dantzarien Biltzarreak eskatuta, Gipuzkoako Dantzak izeneko dantza bilduma grabatu zuen. Eta 2004.ean, Joserra Senperena piano jotzailearekin batera, Ansorena-Senperena: Chillida lekutik, lan berritzailea.

Txirri, Mirri eta Txiribiton euskal pailazo hirukote ezagunenaren fundatzaile eta partaidea da. Hauekin Euskal Telebistarako hirurehun programa inguru burutu dituzte. Baita zazpirehundik gora saio publiko aurreko eta tankera guztietako argitalpenak ere: ipuinak, diskoak, bideoak, komikiak,... Show-man gisan, Xabier Otaegirekin batera Funtzioa izeneko programa sortu zuen, hiru kurtsuetan Euskal Telebistako saiorik arrakastatsuena izan zen programa. Beste programetan ere zuzendari, gidoilari eta aktore lanak egin izan ditu: Balinda, Txiskola,... 1998-1999 kurtsuan Sikofonia saioa aurkeztu eta zuzendu zuen, eta bertan Euskal Herriko pertsona famatuenak elkarrizketatu. 1999-2001 urteetan, pailazo gisan, Barrebusa izeneko programan aritu zen bere lagunekin batera, 2001-2002etan, Altza, Porru! izenekoan eta azken hauetan Trikitraka Trikitron saioan.

Hogei urte baino gehiago dira beste arlo berezia lantzen hasi zela: Musikaren zabalkundea, modu askotan bideratua, baina batik bat Kontzertu Didaktikoen bitartez, antolatzaile edo aurkeztzaile gisan. Tankera guztietako talde musikalekin aritu da honetan: Orkestrak, Banda Sinfonikoak, Koruak, Ganbera Taldeak, Txistulari taldeak... Euskadiko Orkestrarekin elkarlanean sarri aritu da esparru honetan, baina beste zenbait Orkestrarekin ere bai: Frankfurt, Tenerife, Galizia... Mario Venzago, Pedro Halffter, Víctor Pablo Pérez, Juan José Mena, Juan José Ocón, Kike Ugarte, eta beste hainbat zuzendarirekin batera lan egin du.

2001. urtean, Mirri eta biok, pailazo bizitzaren oroitzapenetan oinarritutako liburua, eta Gloria izeneko antzezlana ere argitara eman zituen. Azken hau José Luis Greco konpositoreak musikatu egin zuen eta 2003.ko maiatzan estreinatu Gasteizen eta Donostian. Azken argitalpena, Pailazoen esku liburua du, pailazo izateko esku liburua, 2003. urtean ELKAR etxearekin argitaratua.

Pailazotzari jarraitzen dio eta bere lagunekin batera Euskal Herria osoa korritzen du saio ugariak eta arrakasta handikoak eratuz.

Aurten, martxoan, haurrei eskainitako alderdi honetan, hasi zenetik hogeita bost urte bete ditu. 2002. urtean, Euskal Herriko Txistularien Elkarteak bere Urrezko Domina eman zion, txistu eta danbolinaren alde egindako lanak eskertzeko.

HONDARRIBIA DANTZAN II

2008-05-16T08:21:00.000+02:00

Hondarribia dantzan, dantzaren eta orohar folklorearen inguruko festa dugu, bertan hezkuntza ikuspegia zein alde ludikoa barneraturik daudelarik. Kemen dantza taldearen helburu nagusienetako bat bailaran hainbat ekintza kultural sustatzea izanik, Hondarribia dantzan ere ildo horren barnean kokatzen dugu. Bestalde, zer esanik ez, euskal kultura dantzatuaren zabalketaren alde lan egin ahal izateko bidea ere bada.

PROGRAMA

Maiatzak 16 ostirala:
Asteburua folklorea eta etnografiaren inguruko hitzaldi batekin hasiko genuke:
Hitzaldia Jose Ignazio Ansorenak, besteak beste Donostiako txistulari bandako zuzendariak, emango du.
Izenburua: Tradizioa: benetako balioak
Lekua: Hondarribiako udaletxeko areto nagusia.
Ordua: 20tan

Maiatzak 18 igandea:

· Goizeko 12:30tan: Dantza agerketa.
Lekua: Santa Maria Madalena plaza.
Ordua: 12:30etan
Partehartzaileak:
Donibane Garaziko Arrola dantza taldea.
Lantziegoko Iradier y Salaberri dantza taldea.
Berako Gure Txokoa dantza taldea.
Baztango dantzariak.

Arrola dantza taldea Nafarroaren egunean

· Arratsaldean: Dantzaldia.
Lekua: Santa Maria Madalena plaza.
Ordua: 18:00tan
Arratsaldean berriz, Imuntzo eta Beloki musika taldeak dantzaldia burutuko luke, bertan taldeetako partaideekin batera herritarrak parte hartzera gonbidatu nahiko genituzke.